تسألات طفل عراقي ( جرح امه )
جرح امه
====

...........
...............

يمه يمه

طفل يصرخ

يشتعل في وجه امه

يمه يمه

يمه وين الماي يمه

يمه وين الزاد يمه

يمه وين الامن

وين النور

وين النوم يمه

يمه يمه

..............
يمه يمه
..............

قالت امه

..........

آآآآه يا ابني

شرب الماي الظما

اكل الزاد الدُما

قتل النور العما

وبقي امنك

شهاب يشتعل

يمه باكباد السماد

...............
آآآآآآآآه يابني
...............
لاتحاول تحترك

انتبه اخاف

تتعمق جروحك

يالله يابني نام

نام بالراحه بروحك

...............

قال يمه

آآآآآه يمه

ناولي حضنك اضمه

لوكسر عظمي

لو اكل لحمي

لو شُرب دمي

يهمه ؟

مايهمه

لا وربي مايهمه

مايهم الا حصن بغداد يمه

مايهم الا تراب باعته

للطامعين بالامس امه

امة باعت شرفها

امة من غير كرامه

هاه يمه

ايش رايك

...........

قالت امه

أي امه ؟

لاتعمق جرح امه

نام يمه

خلني اجبر لكسرك

خلني احفر لقبرك

خل باقيك المنثر

في الاناحي

في عيون امك اضمه

ونام نام

نام يمه

...............

ونااااااااااااام

وامه حامله جسم وهمه

وحامله نسخه من امه

امة من نفس دمه

..................

وأي امه أي امه

نعلبوها اي امه

ماتلامس جرح امه

صالح الشدوي