اول شئ سلام عليكم
انا بغيت كتب في العنوان ابو وليد واللي على شاكلته
وخفت تفهمونها غلط تقولون وش جاب الشاكله ياحنش

لكن غيرت العنوان

كيف حالكم يااخوان ويش اخباركم
حقيقه كلاميه ذيه والله ينبع عن محبه لكم
وللرجال اللي استقبلنا في بيته عبدالرحمن
فنحن في منتداه وكاننا والله ضيوف عنده
ولامنه قصور ابوعبدالله جمل الله حاله

انا والله اني احزن يوم اشوف بعض الأعضاء اللي
كان لهم في المنتدى مواضيع تفيد وتعلم الجاهل
اي والله ياجماعه
مثلا كان فيه ابووليد ومواضيعه ولاعد اشوفه ليش
مثلا منار قلت مشاركتها
مثلا الوليد انقطع
مثلا عبدالواحد مثلا رهف كثيرين والله
يعني انحن كننا في شركه
والشركه هذي عندها موظفين واغلبهم كفو ومخلصين في العمل
وتكسب الشركه من عملهم الطيب
فجاه راح اغلب المخلصين ذولي
بيبقى قليل اللي هو الباقين في المنتدى الان
وش بيكون حالة الشركه

ياجماعه الأعضاء ذوليك
ليش ينقطعون عنا وليش نخليهم يروحون
هذولي كنوز حاملين المسك ولا نفضلهم على من يقرا
وكلكم والله شروا الطيب
لكن زيادة الخير خيرين

هم راحوا ونتمنى رجعتهم بكل رجا
لكن السؤال هو

ليش يروحون وش السبب
هل في خطا معين في المنتدى
انا اشوف ان اكثرهم راح بدون مايتعرض لمشكله
او تعرض لشئ جته معذره وافلح
او انه تعرض لخطا كبير ولا حد صلحه

نبغي نكون ياجماعه مخلصين في منتدانا
ولا تنسون انكم في ضيافة اخ كريم
ولاتنسون ان لكم نفس المبادئ والتقاليد
يعني عدم الفهم مرفوض الفكره في المنتدى

يااخوان نبغى الرجال اللي كانوا افي المنتدى
يرجعون يثرون المنتدى بمواضيعهم اللي قد هم
ما يعتقدون فوائدها وش حجمها في قلوبنا
واللي موجود معنا فيه الخير والخير الجليل
لكن كما قلت
هذا كنز
ولا اعتقد ان حد يفرط في كنز مهما كان كثر الكنوز عنده

وزيادة الخير خيرين
انا ادري اني خلطت الهروج فوق بعضها
لكن تقبلو الفكره

وانتم الصالحين والسلام عليكم .