ثلاثة أحبهم موت : أبويه وأمي وأخوتي جميعهم..( حشا ماصاروا ثلاثه صاروا عشره)

ثلاثة يسببون الإحباط : الواسطة و الديون والمنتخب الوطني !!

ثلاثة صعب نتخلى عنهم : الخدامة وكبسة الرز والرقم المميز !!

ثلاثة محتاجات واسطة : الجوازات والمرور والعمل والعمال (حالياً جميع الإدارات تحتاج واسطه) !

ثلاثة يرفعون الضغط : الملح وواحد سرحان عند اشاره المرور وهالة سرحـــــان (الله لايوفقها هالمرتده الفاسقه) !!

ثلاثة أشياء تسبب الغرور : الفيلا والمرسيدس والجوال المميز ..

ثلاثة نقول الله يهديهم : بنات السناتر وشباب الاسواق واللي رافع مسجل سيارته بالشارع !

ثلاثة أتمنى ما أشوفهم : مواطن محتاج وعربي مديــر وشاب مواطن ما عنده وظيفة (الله يعين شبابنا) !

ثلاثة ياكلون في لحوم الناس : الحيوانات المفترسة والبنوك وبعض الهوامير الكبار (ولايهون حق الغيبه والنميمه)!

ثلاثة يسببون أمراض القلب : السيجارة وطبخ الشغاله والعيال اللي ما وراهم فايدة ( الله لايبلانا ) !

ثلاثة ما يخافون الله : قاطع أرزاق الناس (قطع الله حيله) وآكل الحرام وعاق والديه (الله يكفينا شرهم) !

ثلاثة فواتيرهم تكسر الظهر : الإتصالات والكهرباء والمدارس الخاصة (الله لايخسرنا ولا يربحهم) !

ثلاثة نادراً ما يشتغلون بضمير : المقاول والخدامة والمواطن المستهتر (هم اكثر من ثلاثه بس مشوها هالمره)!

ثلاثة لازم نتخلى عنهم : التبذيـــر والفشخرة والاعتماد على الخدم (بعيده علينا) !

ثلاثة مشاكل عظيمة تهددنا : غلاء المهور والعنوســـة والتركيبة السكانية (نصيبنا كذا) ..

ثلاثة الله يكون في عونهم : أبو البنات والمطلقات ومحدودي الدخل (أحد قايله يزروجها لحيالله) ..

ثلاثة ما ينامون الليل : المديون والعزابي (ليه هو يحبب) والمغازلجي