Unconfigured Ad Widget

**الجنوبي** · 21-10-2002, 09:48 PM

هلا بكم طريقه حلوه يابا نزار واليكم الحل ولاتفشلونا قولو تم

العضو هوه الشدوي

وش قلت يامهراس

**مهراس** · 22-10-2002, 06:03 AM

انا جاوبت عن السؤال الذى كان فيك
وجاء دورك الان عشان تتقاضى منى حسبى الله عليك قلت الشباب تعقدوا
مادريت ان الجنوبى ابيطلع لى من تحت الارض
الف شكر لك وانا كنت امزح معك والله اجابتك صحيحه

نتظر سؤالك

**الجنوبي** · 22-10-2002, 11:06 AM

ابشرو بسعدكم لكن انا اقول بتفحطون ويمكن تستعينون بالانتربول هاكم المواصفات

طويل لاكنه قصير متين لكنه نحيف

رحتو في الرجلين عموما كنت امزح معاكم المواصفات الحقيقيه

اسمه من اربع حروف
متزوج وله عيال
موظف في احد قطاعات العسكريه
شاعر اقول انه شاعر
التحق بالمنتدى مؤخراً لكن عيني عليه بارده يسابق الريح له مشاركات كثيره بس ((قيمه))
يحب الرياضه واضنه اهلاوي
لاء ومشرف بعد
مشاركاته اما خمسميه ولا اكثر بشوي ولا اقل بشوي ركزو عليها هذي
يالله ورونا شطارتكم

**مهراس** · 22-10-2002, 09:58 PM

الظاهر اخى ابو نزار صكنى بعين صراحه تعبت وانا ادور
والذى لخبط مخى اهلاويته لانى على طول جاء على بالى ابو نزار
لان ابو نزار اتحادى
وبعدين له سنه تفريبا من يوم التحق بالمنتدى
لكن على الله ياتصيب ياتخيب

ابو نزار

**الجنوبي** · 23-10-2002, 08:57 AM

انا قلت اضنه اهلاوي ولكن تقول انه اتحادي

تدري اقول الله يكفينا تصدق اني توقعت تفحط اول المفحطين لكن جبتها

ابو نزار هو المقصود

**مهراس** · 25-10-2002, 12:40 PM

طيب

العضو القادم صفه ماخوذ لشى نعشقه ونحبه
يكتب فى جميع الاقسام ماعدا قسم الشعبيات فشاركاته فيها قليله
اذا لم تكن معدومه
له تقريبا سنه الا شى بسيط فى المنتدى
طاب جامعى واتمنى له التوفيق
مشاركاته مابين 600 الى 700
وسلامتكم

**الملكي** · 27-10-2002, 02:56 AM

وهـــل يخفــى القمر ؟!

جـــــار الـقـــمـــر

**مهراس** · 27-10-2002, 03:59 PM

اجابه صحيحه محمد
منتظرين العضو القادم وانا دخيلك لاتصعبه
تحياتى لك

**العُمري** · 30-10-2002, 04:12 AM

عذرا مداخله بسيطه
والله لويشوف عبد الكريم ذا الموضوع ليفشل بكم تدرون مره وش سوى فى واحد ياكافى والله ماعاد دخل المنتدى من يوم كتب فيه ويمكن باع الكمبيوتر:D انشاء الله يجى ويشوف ذا الموضوع ابيقول وش دخله فى التاريخ والثقافه عد حلوها ذاك الوقت .

المهم المره ذى اتركوها عندى وانا ابو باسل

عضو غير متزوج حلوه غير متزوج صح
المهم مخ كمبيوتر الم يأكل الكمبيوتر ماشاء الله عليه
له مشاركات فعاله وخصوصا فى منتدى الكمبيوتر
مشاركاته اكثر من1500 عينى عليه بارده
قلبه طيب مره ويحب يساعد اى واحد لو كان فوق المريخ

كذا خلاص وانا اعتقد انه سهل الاجابه عليه المره ذى

على فكره اذا جاء عبد الكريم الطفيلى والله ماعاد ادخل ذا المنتدى :D

تحياتى لكم
اخوكم العُمرى

**ابو نزار** · 01-11-2002, 10:11 PM

حي الله ابو باسل

اولا نرحب فيك في اول مشاركه

ثانيا هذه المسابقه وضعناه لنكسب الاعضاء بتصفح منتدى التاريخ

الذي بحاجه ماسه لكل عضو من الاعضاء وهذا اعتقد من صالح المنتدى

ثالثا اقراء شروط المسابقه وبعدين شارك انت تعديت على الملكي وطرحت

السوال لكن نمون على الملكي وسوف نحرمك اذا جاوبت المره الجايه

من طرح السوال

ثالثا اكيد ما فيه غير الاخ صالح الذي يحمل هذه المواصفات التي ذكرتها

بس مدري هو متزوج او لا

اتمنى تكون هذي الاجابه الصحيحه

**العُمري** · 03-11-2002, 03:34 AM

الأخ ابو نزار قلت لك فى الجوال روح احذف المشاركه بس انته ابيت وتراك غشاش سرقت الأجابه منى فى الجوال:D

على العموم أجابتك صحيحه 10/10

الأخ الملكى التمس العذر منك لأننى بكل صراحه ماكنت ادرى وش الطبخه

بس المره ذى تقبلوها منى والمره الجايه لكم الحق .

أحيل السؤال الجاى الى الأخ الملكى كونى تعديت عليه

تحياتى لكم
اخوكم العُمرى

**الملكي** · 03-11-2002, 04:58 AM

Pls wait me

I sent this massege from university labs , I could not write in arabic .

just wait me one (1) day

**الجنوبي** · 03-11-2002, 11:44 AM

وش قلب لسانك

الملكي وشبك انقلب لسانك فجاءه توك اعربي

عموماً لاامشكله ننتضرك يوم والا اسبوع بس اخلص علينا ولا افتح المجال

**الباشا** · 03-11-2002, 02:47 PM

وش تقول

الرسالة الأصلية كتبت بواسطة الملكي
Pls wait me

I sent this massege from university labs , I could not write in arabic .

just wait me one (1) day

أقول .. تراني ما فهمت منك شيء

بس إذا كنت تسب

أقول : الله يسامحك

وإذا حسب فهمي

أقول :

الله يسلمك تراهم بخير ويسلمون عليك:D:D .

hgfhah

**أبو وليد** · 03-11-2002, 07:11 PM

الله يصلحك يالباشا والله انك باشا الا في تي الهروج...وش لك وش للخط المعلق.
ترى الرجال يسأل عن العشا متى.

For corrections:
I sent this message from university’s labs.