اخ بندر
للأسف كثيرين اللي مثل هالشخص وممكن تلاقيهم بكل مكان
أنا حصل لي نفس هالموقف تقريباً ..
لما توظفت كان دوامي احلى دوام وروحتي للعمل سعادة بالنسبة لي ، إلى أن صادفت ثنتين اعوذ بالله وحده منهم صديقتي والثانيه زميلة لي بالعمل ، كنا كلنا نفس التخصص ونفس المجال الوظيفي ..
يعني بحكم العمل كنا مع بعض دائما وكان فيه نوع من الغيره و التنافس ..
المهم كانت كل وحده منهم تجي عندي وتقول عن فلانه انها قالت فيني هالكلام وكانت نيتها كذا وودها انه يصير كذا و و و ... قصص
و أنا طبعاً لأن حكمتي بالحياة ( صدقي يابسمه نص اللي تسمعينه ) رأيت إن احسن حل ممكن انه يخلصني من هالورطه هو إني اواجههم مع بعض ..
وفعلاً ناديتهم وقفلت باب الغرفه وقلت لكل وحده منهم الكلام اللي سمعته من الثانيه ، وعينكم ما تشوف الا النور ، تركوني ولا كأني موجوده بالغرفه وجلست كل وحده منهم تبرر موقفها ، وفي الاخير قلت لهم : إحنا هنا قبل لا نكون موظفات بنفس الوظيفه وفي بينا تنافس ، اخوات وصديقات وماله داعي الموقف اللي صار ، و بكره صدقوني راح نطلع من الوظيفه وكلن يمشي بطريقه ، فعلشان كذا ودنا اننا نتذكر ايامنا الحلوه بالعمل ، فرجاءاً اتمنى ان الموقف هذا ما يتكرر واتمنى ان النفوس بينا تصفى .. و الحمد لله وافقوني الرأي و تسامحنا ورجعت النفوس صافيه مثل اول ..

لذلك يا اخ بندر ما في احسن من المواجهه بينكم ..
لأن الشك سرى بينكم وكل واحد منكم شايل من خويه ابقلبه شي فإذا تواجهتم راح كلن يقول اللي بقلبه و تظهر الحقيقه ويبين هالمريض على اصله وحقيقته وتنكشف نواياه السيئه وذيك الساعه تاخذون موقف منه وتتجنبونه وتتقون شره ..
بس لا تنسى يا اخ بندر إن هذا الشخص مريض نفسياً ومحتاج طريقه معينه في التعامل لذلك بعد ما تواجهون بعض حاولوا انكم ما تحملونه الغلط وعبروا له عن طيبتكم وانكم سامحتوه و انكم اخوان وزملاء عمل
و إن شاء الله هو بطيبتكم وتسامحكم معاه راح يغير اسلوبه ويصير أخ عزيز عليكم و منكم وفيكم ..

وما محبه إلا من بعد عداوه