ضاعت حلولي من يدي ساعديني
مثل العمي ضاعت عصاة تقديه
حيران والدنيا ظلام بعيني
عطشان يشرب من غديرك ويظميه
ان كنت انا ميت غرام انقذيني
مثل الشجر لامات... الغيث يحيه
وان كنت انا عاشق خيال ارسميني
طفل يبي شمس الضحي تاصل ايديه
تميت مثل الليل لوني حزيني
يقرا ملامح لوعتي من نظر فيه
ناس اعزاز وحبهم يحتويني
احبهم والحب بانت مواريه
وشخص ابيه وشخص عيا يبيني
شخص يبيني مير عييت مابيه
اضحك على الدنيا واصفق يديني
ومامر يوم ماضحكته ولا ابكيه
وقولي معي وش لي بقي في سنيني
الوهم يفني صاحبه قبل يفنيه

للشاعر الانيق//عبدالله بن حمير القحطاني

منقووول بوسطة العقاب الدوسي