يالله يا يامطلوب يا عالي الشان
يالله نا طالبك جنه وغفران
يا رب نا طالبك جنات رضوان
يارب لا تكتب علينا خطيات
قال ابن مصلح ذقت حلوه ومره
لا تامن الدنيا تراها مغًره
صغت على ابن آدم وهو قال قره
من غلبها صارت عظامي ونيات
اشوف كل الناس تزرا عليه
ما عاد لي بين العرب قابليه
من ويم حل الشيب في عارضيه
كل يقول الشيبه هذا من ايات
واحس في قلبي حلاوه ومراره
بعد الحلا جربت كل المراره
درب الهوى اللي سواتي خساره
وانحن من اول ما لنا فيه نيات
وخير منها طلبتة الله ودينه
عداد ما زار الحرم والمدينه
من يذكره ما لناس يا بخت عينه
واللي من الله مالنا عنه الخطيه
حق الخوي ما يندرق عن خويه
واش عاد تنفع به خويك إذا مات
وانا اشهد ان اللاش قربه خساره
واصحك تحل بمنزلك جنب داره
وابعد جدارك عن جداره
بينك وبينه خل ياجي مسافه
خلك مع اهل المقدميه والحميه
رجالهم مبداه عن خمس ميه
رجال ما يرضى عليك الخطيه
مجار ما يرضى عليك الخطيات
واوصيك يا قلبي بترك النميمه
ما فيه من درب النميمه غنيمه
ترد راعيها على أخس قيمه
ولا ربح حي مشى في النميمات
واوصيك لا تمشى ما كل كذاب
يحط ثوبك ما يبدلك بثياب
يفضحك ما بين العشيره ولاجناب
يضحك عليك الناس من كل شمات
و اوصيك لا تترك درب العنوه
وان فترت زدها في الحبل قوه
ان كان في راسك وقلبك مروه
خلك مع اهل الفايده والعنوات
واوصيك لا تتبع دروب البخاله
ما زودت مخلوق في راس ماله
ولا ربح حي مشا في البخاله
مذموم يامن مو مشا في البخالات
عده كما عد الذهب والريالي
حتى يعدونه ميات ولوفات
واوصيك يا ابن آدم تهون في الاسراف
ما هوب واجب مرزقك يفلح اتلاف
ترى البطر والزود ما فيه الاخلاف
واحسب على القانون كل الحسابات
وختامها ذكر النبي والصحابه
وعداد ما تنشى مزون السحابه
وعداد ما خط القلم في كتابه
على النبي المختار سيد البريات