------


ماهي غريبه يعشق الشعر الاوطان = لان الوطن في حد ذاته قصيده
قل ياوطن قل يابلادي والاوزان = تجري عذوبه والمعاني فريده
من علم الشادي تراتيل الالحان = لو ما الوطن ماكان ردد نشيده
من علمه يهوى مساكن وبلدان = وان المحبه من مبادي العقيده
من علمه حب الثرى ينبت اغصان = تزهر وتثمر كلما اعطى تزيده
بقدر مايبذر ويبذله الانسان = ياتي على قدر المحبه حصيده
من علمك تصنع من المجد بنيان = ماهو الوطن علمك معنى تشيده
علمك لو تصبح من الفقر عريان = إن الشجر يكسي خضاره جريده
من علم القمري يقاسمك الاحزان = لاصبحت من همك بضيقه شديده
جرب تغرب بايها ديرةٍ كان = والله ماتلقى الحياه السعيده
ماغيرها دارك تضمك بالاحضان = حتى ولو كانت حياتك جهيده