تويت
قال الموسيقى بقصيدك غير متناسقـه=قلت القصيده تجيني كنها أغلى صديق
وافرد لها فكري المضيـاف وتعانقـه=تبينـي اردهــا بالله هــذا يلـيـق
تبينـي اردهـا لاجاتـنـي عاشـقـه=في عرف من ياتخلى عاشقٍ عن عشيق
شعري كذا يا أخي له صبغـةٍ فارقـه=ماهمني لو عيونـك مغرمـه بالبريـق
من قدح الافكار لاشاري ولا سارقـه=وانا اشوفه على شفي جميـل وأنيـق
وبعض القصايد تجي والنفس متضايقه=ثورة غضب تشعل فيني لهيب وحريق
واحيان تاتي وعيني بالحـزن غارقـه=باعماق الاعماق ماينقذ غريـقٍ غريـق
وشلون أرتب همومي لا لفت طارقـه=من غير ميعاد وجروحي خذتها طريق
والا فعندي ربيـع الحـرف وحدايقـه=أسقي وروده وهي تسقيني احلى رحيق
إن كان ماجاز لـك وشهولـه توايقـه=مافيه داعي تزعل نفسـك ولا تضيـق
تعليق