ودعتني وتقـول مانـي بغايـب
خليتني انطـر رجوعـك سنينـي


لا انت الذي وفيت عهد الحبايـب
ولا قطعت الوصل بينـك وبينـي


علقتني من دون ذنـب وسبايـب
لو انقسم حزني كفـاالعالمينـي


شدت مطاياكم غدى القلب ذايـب
تلعب بي الذكرى بقلـب طعينـي


جفت عروقي يبستهـا المصايـب
مالـي غنـاة عنكـم ياضنيـنـي


اشوف برقٍ واتحـرى السحايـب
غصني ذبل متى سيولـه تجينـي


خلي هجرني فوق وضح النجايب
قلبه نضيـفٍ اشهـد انـه يبينـي


يسرهم برق الوسم ويـن صايـب
بدوٍ ورا سيـل المطـر تابعينـي


من يوم غاب وحالة القلب عايـب
ضاقت بي الدنيا وكنـي سجينـي


مالي ذرى لمـا تهـب الهبايـب
ومالي موانـي بالغـلا تحتوينـي


تنسفني امواج الشقـى بالنوايـب
وقشر الليالي كدرت نـوم عينـي


هاتوا مع اللي يركبون الركايـب
كانـه يبينـي او بعـد مايبيـنـي


وان مت حطوا فوق قبري نصايب
خطوا عليها يا (. . .) سامحني

{.........}
[/grade]