زمن التغير:

قلت يمه علميني وش فرق يومي عن اول

.......... هوتغيرنا نحنْ والا الزمان اللي تغير

قالت الله ياوليدي يازمان اول تحول

.......... ياوليدي ماتغيرنا ولكن وقتنا منا تحير

كانت الدنيا تربينا ومافينا (معول)

......... واما الحين انحن نربيها وهي فينا تسير

ياوليدي با ختصر لك خايفه شرحي يطول

........ (الزمن ماهو مسير والبشر ماهو مخير)

الوقفة الثانية مع اللون الأخضر

قال لي خالد تحب اللون الأخضر قلت فاضي

.......... اي لون اخضر احبه جعل يومك مايعدي

ياخويلد خابرك تعرفني اني مو رياضي

..........انا مايفرق معاي اللون طبعي مثل جدي

انت ياخالد أكيد إنك منه بالحيل راضي

............ هات قل لي ليش حبيته قبل ماامد يدي

قال احبه ايه أحبه ايه احبه فعل ماضي

............ اما اليوم اشوف الأخضرمو على قد التحدي .


الوقفة الثالثة :

الميته الحسنة :


أنت ياشايل هموم الناس في طبعك غريب

........................ لو ينام الناس عين الله ماهي نايمه

تسرق البسمة وكم تبعد محبٌ عن حبيب

...................... لحظة اذكركْ وأرواح الخلايق سالمة

ماسمعت الناس تدعي في التهجد (يامجيب

.................. يالله الجنة ويالله منك حسن الخاتمة!!! )


الوقفة الأخيرة

حظ اقشر يعاند صاحبة حتى في لحظات بسيطة شوفوا :

يقول صاحبنا :

بنيت بيت الهوى طوبه على طوبة

................. ديون وأقساط جت مية ورى مية

ماهي بفيزا ولا شيكات مكتوبة

................. لكن على شان اسوي عش زوجية

قلت اسرق الوقت والايام محسوبة

............. واحجز مكان الفرح (قصرالسعودية)

رحت اخطب البنت قالوا البنت مخطوبة

................ قلت أحسن آموت متزوج عزوبية

///////////////////////////////

أحببت التغيير من النوع فقط لمن أحبهم .

كلكم أحبكم :

أخوكم ومحبكم (صدى الجنوب)